اسلام آباد ۔ 25 نومبر (اے پی پی) بنجاہی وزیر آپی وسیلگ فیصل واڈا ءَ گوشت کہ ملک چہ کرپشن ءِ ھلاسی ءَ پہ سکیں ھسابداد الم انت۔یک جندی نیوز چینل ءِ گوما گپ ءُُ تران کنان ءَ آہاں گوشت کہ ملک چہ کرپشن ءِ ھلاسی ءُُ گریب مردمانی گہتری حکومت ءِ اولی دلگوشی انت۔آہاں گوشت کہ پاکستان تحریک انصاف ءِ حکومت راجی ادارگہانی کارکردگی ءَ را گہتر کنگ ءُُ ادارگہاں را سوگو کنگ ءِ ھاترا گام گیج چست کنگ ات۔ فیصل واوڈاءَ گوشت کہ وھدیکہ پاکستان تحریک انصاف ءِ حکومت حاکمی ءَ اتکگ ہمہ وھد ءَ ملک ءَ را مالی تاوان ءِ دیما ات۔یک جستے پسو ءَ آہاں گوشت کہ پاکستان تحریک انصاف ءِ حکومت ءَ کسے ءِ سیاسی تاوان نہ کتگ ءُُ نہ مئے حکومت ایشی ءَ سدکی دارگ ات۔مہ ابید پرک ءِ ھسابداد ءِ واھگدار انت۔آہاں گیش گوشت کہ راجی ھسابداد بیورو (نیب) ءُُ ایف آئی اے ءِ تہ فرض شناس ءُُ ایماندارافسر ساڑی انت ہمہ کہ ھسابداد ءَ پہ وتی فرضاں پیلو کنگ ات۔یک دگہ جستے پسو ءَ آہاں گوشت کہ نیب وت واکیں ادارگ انت ءُُ حکومت ءِ ریفرنس ءِ ھوالہ ءَ ہچ کار نیست ات،اے نیب ءِ معاملہ انت۔یک جستے پسو ءَ آہاں گوشت کہ بنجاہی ءُُ صوبائی حکومت شہریاں را آپ پھجارگ ءِ ھوالہ ءَ گام گیج چست کنگ ات ءُُ زوت اے بحران ءِ سرا گرءُُ دار آرگ بیت۔
