اسلام آباد ۔ 24 نومبر (اے پی پی)بنجاہی وزیر ھاٹیگ(پاور ڈویژن)عمر ایوب خانءَ گوشت کہ توان دُزی ءِ سرا گرودار ءِ ھاترا ایڈوانس میٹرنگانفراسٹرکچر (اے ایم آئی)سسٹم ءُُ اے بی سی کیبل زوت انسٹالیشن کنگ بیت۔ھپتگ ءَ وتی یک گلگدار ءِ تہ آہاں گوشت کہ اے سسٹم ءِ انسٹال کنگ ءِ مول ءُُ مراد ایوکا توان ءِ دزی دارگ نیست ات بلکہ وھد ءَ میٹر ریڈنگ ءَ را سدکی جوڈ کنگی انت۔آہاں گوشت کہ پاور ڈویژن ءَ توان دزی ءِ سرا گرءُُ دار ءُُ توان ءِ پیداواری صلاحیت گیش کنگ ءُُ توان ءِ ساپ ءُُ پلگاریں ٹرانسمیشن ءِ ھاترا ھم یک منصوبگ جوڈ کتگ ات۔آہاں گوشت کہ توان دزی دارگ ءِ ھاترا میکانزم ءِ سراکار برجاہ انت۔ پاور ڈویژن توان دزی ءِ گرودار ءِ ھاتراصوبائی حکومتاں، ھندی واکدارءُُ کانود برجاہ داروکیں ایجنسیانی کمک چہ ھاسیں ٹاسک فورسانی سرا کار کنگ انت۔آہاں گوشت کہ اے بی سی کیبل ہمہ کہ کجام وڈ ءِ دزی ءِ گرودار ءِ سرجم بود ایر کنگ انت،بنداتی وڈ ءَ آئیسکو،پیسکو ءُُلیسکو ءِ سیمسر ءَ جنئگ بیت۔اے منصوبگ ءِ سرا 90کروڑ ڈالر ھرچ بیئگ ءِ اسٹیمیٹ جنئگ بوتگ انت۔آہاں گوشت کہ ایشیائی ترقیاتی بنک اے منصوبگ ءِ ھاترا مالی کمک پھجارایت۔
