کراچی۔ 24 نومبر (اے پی پی) آئی جی سندھ ڈاکٹر کلیم امام چینی قونصلیٹ اُرش ءَ شہید بیوکیں کارندہانی گس ءَ سر بوتگ ات وھدیکہ جناح نادراھجاء ءِ تہ ٹپی بیوکیں سیکیورٹی گارڈ جمن ءِ ھم ھال پرسی کتگ۔آئی جی سندھ چینی قونصلیٹ اُرشءِ تہ شہید بوتگیں کارندہاں کانسٹیبل عامر خان ءُُ شہید اے ایس آئی اشرف داودءِ گس ءَ شتگ اتءُُ محکمہ پولیس ءِ ھاترا شہید کارندہانی ہزمتاں را ساڑاتگ۔آہاں گوشت کہ شہید کارندہاں گہتریں پسو دیان پولیس ءِ مورال برز کتگ۔آئی جی سندھ ڈاکٹر کلیم امام ءَ اُرشے تہ ٹپی بوتگیں سیکورٹی گارڈ جمن ءِ ھال پرسی ھم کتگ۔اے ساعت ءَ آہاں جناح نادراجاہ ءِ تہ گارڈ ءِ دارودرمان ءِ ھاترا جناح نادراھجاء انتظامیہ ءَ را 5لکھ کلدار ھم داتگ ات۔
