کراچی۔ 24 نومبر (اے پی پی) سر وزیر سندھ مراد علی شاہ ءَ گوشت کہ پاکستان ءُُ چین نزیکیں دوست انت ءُُ چائنا پاکستان ءِ دیمروئی ءِ تہ ھاسیں شراکت دار انت۔ہمے ھاترا پاک چین دوستی پاکستان ءِ دژمنانی ھاترا شریں گپ نیست ات۔جاڑی کتگیں جارانگ ءِ ردا مراد علی شاہ ءَ ھپتگ ءَ سروزیر گس ءِ تہ چینی سفیر یا جنگ ءُُ قونصل جنرل وانگ یو ءِ گوما گند ءُُ نند ءِ تہ گوشت کہ سندھ بلوچستانءِ سیمسرءِ دمگاں ناشرکارانی گمگ پرگ دارگ ءِ ھاترا ءُُ ایشانی سرا چم ایر کنگ ءِ ھاترا سندھ ءُُ بلوچستان ءِ حکومت ھواری ءَ کار کنگ انت۔اے ھوالہ ءَ گیش گام چست کنگ بوھگ ات۔سر وزیر سندھ ءَ چینی سفیر
ءِ گوما گند ءُُ نند ءِ تہ گوشت کہ سیف سٹی پروجیکٹ ءَ را زوت سرجم کنگ بوھگ ات ،چینی مئے برات ات،شمے سکیورٹی مئے ھاترا باز ھاس انت،گند ءُُ نند ءِ تہ چائنا ءِ قونصل جنرل مسٹر وانگ یو، چیف سیکریٹری سید ممتاز شاہ، آئی جی پولیس ڈاکٹر کلیم امام،سر وزیر سندھ ءِ پرنسپل سیکریٹری ساجد جمال ابڑو ھم ساڑی ات۔
