اسلام آباد۔ 23 نومبر (اے پی پی) مزن وزیر عمران خان ءَ ملک ءَ ناشرکاری ءِ شنگ ءُُ تالان کنوک آنی جزم ءَ را ناکام کنگ ءِ درشان کت، آئی ءِ حکومت ناشرکاری ءَ را بُن گوج کنگ ءِ واستہ دل یکیمی کتگ۔ آئی ءَ اے گپ آدینگ ءِ روچ ءَ بُنجاھی کابینہ ءِ دیوان ءِ سروکی ءَ کنان ءَ کت، وتی بنگیجی دانک آنی تہءَ آئی ءَ گوشت ، مزن وزیر ءَ گوشت کہ مئے جزم اِنت کہ اے ملک ءَ ناشر کاری ءِ شنگ ءُُ تالان کنوکیں ناشرکار آناں ڈن ءَ چہ کمک رسگ ءَ اِنت انشاء اللہ ما اے دُرستانی پشت ءَ رواں، مزن وزیر ءَ کراچی ءَ چینی قونصل خانہ ءِ ڈن ءُُ اورکزئی ایجنسی ءَ ناشرکاری ءِ کاروائی ءِ ھوالگ ءَ دیان ءَ گوشت کہ مارا اے رنگے لستیں ھال سر بوتگ اَت کہ پاکستان ءَ ناشرکاری کنگ ءِ کوشست کنگ بیت بلے اے زانگ نہ بوتگ کہ اے کاروائی کجا بنت۔ مزن وزیر ءَ وتی چین ءِ تر ءُُ تاب ءُُ آھودا بے دروریں منوگری آنی سر ءَ دست چنگل آنی سر ءَ ھاسیں رنگ ءَ تران کنان ءَ گوشت کہ اے کاروائی چین ءِ تر ءُُ تاب ءِ مٹ ءَ کنگ بوتگ اَنت۔ آئی ءَ گوشت کہ چین ءِ تر ءُُ تاب ءِ منوگری چیر اندری ءُُ ما الس ءِ دیم ءَ ایشی ءِ سرجمیں بیان ءَ کت نہ کن اَنت بلے آزاتیں لیکہ داریں مردم ءُُ دُگنیا ءَ بہ زانت کہ چین ءِ تر ءُُ تاب ءِ ساھت ءَ چین ءِ گوما پاکستان ءِ ھما رنگے منوگری بوتگ اَنت دُگنیا ءِ اِچ دگہ ملک ءِ گوما نہ بوتگ۔
