کوئٹہ۔ 23 نومبر (اے پی پی) وزیراعلیٰ بلوچستان جام کمال خان کراچی ٹی چینی قونصلیٹ آ دہشت گرد آتا لغوری نا جلہو نا ترند انگا لوز آتے ٹی مذمت ءِ کرسا پارے کہ جلہو اٹی ملک دشمن قوت آک اوار ءُ، ہرافتے پاک چین سنگتی کیدنگ مفننگ ءِ، مچ آ قوم دہشت گردی نا برخلاف جنگ اٹی سیکورٹی فورس آتون سلوک ءِ۔ جمعہ نا دے ترجمان وزیراعلیٰ ہاؤس نا جاری کروک بیان اٹی وزیراعلیٰ بلوچستان جام کمال خان دہشت گرد آتا جلہو ءِ بروخت بے سہب جوڑ کننگ آ سیکورٹی ادارہ غاتے خراج تحسین پیش کرسا چینی قونصلیٹ نا کارندہ غاتا رکھ مننگ آ است جمی نا درشانی ءِ کرینے۔ جام کمال خان دہشت گردی آتون مقابلہ ٹی اِرا سیکورٹی کارندہ غاتا شہیدی آ است ہسونی نا درشانی ءِ کرسا شہید آتا خاہوت آتون ہمدردی نا درشانی ءِ کرے۔
