راولپنڈی۔ 23 نومبر (اے پی پی) پاک فوج انا سروک جنرل قمر جاوید باجوہ پارینے کہ دہشت گردی و انتہاپسندی نا برخلاف جنگ داسکان چٹتنے، گڑاس عنصر دانستہ، غیر دانستہ وڑاٹ ملک ءِ تصادم نا کنڈادننگ ءُ، ریاست اٹی مذہب، لسانیت یا پین بنداو اسے آ انتشار تالان کننگ کن الیپنہ۔ او ملتان گریژن اٹی آفیسر و ورناتیان تران کریکہ۔ پاک فوج انا شعبہ تعلقات عامہ (آئی ایس پی آر) نا رداٹ جمعہ نادے پاک فوج انا سروک جنرل قمر جاوید باجوہ ملتان گریژن نا دورہ ءِ کرے۔ آرمی چیف جنرل قمر جاوید باجوہ آپریشنل تیاری تا بابت مشق انا ہم مشاہدہ ءِ کرے و زور شاغا کہ کسبی لائخی و آپریشنل تیاری تا کمک اٹ جنگ ءِ توننگ مریک۔ جنرل قمر جاوید باجوہ ملتان گریژن نا آفیسر و ورناتے تون اوڑدہی کرے ہراٹی ملکی حالیت، مون تروک چیلنج و اوفتے تون مون تننگ نا بابت سوچ و آزموندہ غاتیان معلومدار کرے۔ اوپارے کہ کائینیٹک آپریشن آتیان پد سوگوی کن آپریشن جاری ءِ، دہشت گردی و انتہاپسندی نا برخلاف جنگ داسکان چٹتنے۔ اوپارے کہ متحرک کوشست آتون اوار تہہ نا قوت و پیشن نا دشمن تا ایجنڈا آن باخبر مرسا ننے بنداوی سوب آتون مون تننگ کن گام گیج چست کروئی مرے۔ اوپارے کہ قومی ایکشن پلان آ گچین عملدرآمد تون اوار اوار ننا چکار راجی و اقتصادی شونداری مرکوز مسکہ کہ پاکستان نا الس ءِ گچین سیکورٹی آن فائدہ دوئی مننگ کے۔ اوپارے کہ گڑاس عنصر دانستہ و غیر دانستہ وڑاٹ ملک ءِ تصادم نا کنڈآ دننگ ءُ، ریاست اٹی مذہب ، لسانیت یا پین بنداو سے آ انتشار تالان مننگ کن الیپنہ۔ اوپارے کہ امن و شونداری کانود نا پاسداری آن ہی ممکن ءِ، راجی و اقتصادی شونداری نا کوشست آتا مخ تفی ءِ کینہ۔
