اسلام آباد۔ 23نومبر (اے پی پی) چیئرمین سینیٹ محمد صادق سنجرانی کراچی ٹی چین نا سفارت خانہ غا دہشت گرد آتا جلہو نا ترندی اٹ مذمت ءِ کرینے و واقعہ ءِ لغوری نا کارروائی اس گوندسا پارے کہ دہشت گرد آک ملک انا امن ءِ بھس کننگ اٹ لگوک ءُ و داڈول نا کارروائی تیان دہشت گرد آک تینا مذموم مسخت آتے ٹی وخت اس ہم سرسہب مفسہ۔ اوپارے کہ پاکستان نا سیکورٹی فورس آک ہراوڑ جانفشانی اٹ دہشت گرد آتا جلہو ءِ بے سہب کرینو اوستاکڑزک۔
