اسلام آباد۔ 23نومبر (اے پی پی) وزیر خارجہ شاہ محمود قریشی کراچی ٹی چینی قونصلیٹ آ جلہو نا مذمت ءِ کرسا پارے کہ سرسہب آپریشن کرسا مسہ دہشت گرد آتے ٹھکانہ غا خلنگانے وخت اس کہ اِرا پولیس کارندہ شہید مسنو ، چینی سفارت خانہ نا عملہ رکھوک ءِ و اوفتے رکھوک ہند اسے آن گدریفنگانے۔ داخیال آتا درشانی ءِ او جمعہ نادے آ پارلیمنٹ ہاؤس نا پیشن میڈیا تون ہیت وگپ کرسا کرے۔ اوپرے کہ اینو سہب انا وختی مسہ دہشت گرد کراچی ٹی چینی قونصلیٹ آ جلہو کریر۔ دااست ہسون واقعہ نا ترندی اٹ مذمت ءِ کینہ۔ اوپارے کہ سیکورٹی ادارہ غاک سرسہب کارروائی کرسا مسہ دہشت گرد آتے ٹھکانہ غا خلکونو وخت اس کہ داکارروائی ٹی پولیس نا اِرا کارندہ شہیدی نا جام ءِ نوش کریر۔ اوپارے کہ دہشت گرد آک کس اسے یرغمال جوڑ کننگ اٹ سرسہب مننگ کتوس۔
