اسلام آباد۔ 23نومبر (اے پی پی) وزیر خارجہ شاہ محمود قریشی باباگرونانک نا ودی دے انا وخت آ مچ آ دنیاٹی رہینگوک آ سکھ برادری ءِ مبارکباد پیش کرسا پارینے کہ پاکستان ہراوڑ کرتار پور باڈر ءِ ملسا وسیع القلبی نا درشانی ءِ کرینے اومیت ءِ کہ ہڑتوم آ کنڈآتا رہینگوک آ کشمیری تا میل ملاپ نا بابت بھارت نا کنڈان ہم آسانی ودی کننگک و ننا مثبت گام گیج آتا ورندی ءِ مثبت وڑاٹ تننگک۔ جمعہ نادے قومی اسمبلی ٹی خیال آتا درشانی ءِ کرسا شاہ محمود قریشی ہم مچ آ دنیا ٹی سکھ برادری ءِ باباگرونانک نا ودی دے آ مبارکبادی پیش کرے و پارے کہ داسال اسہ روایتی ءُ مبارکباد اسے آن اسہ کنڈ حکومت پاکستان اسہ بھاز بھلو گام گیج اس چست کرینے ۔ اپوزیشن تون اوار مچ آ قوم داڑاامناکرینے۔
