اسلام آباد ۔ 23 نومبر (اے پی پی) قومی اسمبلی ٹی ڈپٹی اسپیکر قاسم خان سوری نا لمہ جیجا تون اوار ایلو ایماندار تا روح انا ثواب کن فاتحہ خوانی کرفنگا۔ جمعہ نادے قومی اسمبلی نا دیوان نا بنا آ بنجائی وزیر عمر ایوب خان پارے کہ ڈپٹی اسپیکر قاسم خان سوری نا لمہ جیجا نا روح انا ثواب کن دعا کننگے۔ ڈپٹی اسپیکر پارے کہ مسکوہی باسک قومی اسمبلی نجف عباس سیال ہم کزیت کرینے اونا روح انا ثواب کن ہم دعا کننگے۔ مولانا عبدالاکبر چترالی پارے کہ ایس پی کے پی کے نا طاہر داوڑ نا روح انا ثواب کن ہم دعا کرفنگے۔ ڈپٹی اسپیکر نا پاننگ آ مولانا عبدالاکبر چترالی ایماندار تا روح انا ثواب کن بخشش نا دعا کرفے۔
