اسلام آباد۔ 22 نومبر (اے پی پی) مزن وزیر عمران خان ءَ شہری آنی ھک آنی رکھینگ ءُُ آواناں انصاف ءِ پُجاری ءَ را ریاست ءِ بنیاتی زمہ نامینان ءَ گوشت کہ آسانیں ، ءُُ زوت انساپ ءِ پُجاری ءَ را دل یکیمی جوڑ کنگ تضریک ءِ انصاف ءِ منشور ءِ بنیاتی بھر انت، ھمزوریں تبک ءِ مردم آناں انساپ ءِ پُجاری ءَ را دل یکیمی جوڑ کنگ ءِ ھاترا ھمک رنگیں کوشست کناں۔ آئی ءَ اے گپ پنچ شمبے ءِ روچءَ مزن وزیر کارگس ءَ کانودی ساپ ءُُ سلہ ئی ھوالگ ءَ بریفنگ ءِ سروکی ءَ کنان ءَ کت اَنت۔ وزیر ءِ کانود ڈاکٹر فروغ نسیم ءَ مزن وزیر ءَ را کانود ءِ ساپ ءُُ سلۂ ءِ ھوالگ ءَ سرجمیں بریفنگ دات۔ بریفنگ ءِ تہ ءَ گوشگ بوت کہ ساپ ءُُ سلۂ ءِ مول ءُُ مراد استیں کانود آنی تہ ءَ مٹ ءُُ بدلی ءُُ نوکیں کانود ءِ برجائی اِنت تانکہ تحریک ءِ انصاف ءِ منشور ءِ رد ءَ انصاف ءِ درجنی ءِ کار آسان بہ بیت، کمو ھرچ ءُُ درچ ءُُ ترن جوڑ کنگ بہ بیت۔ آئی ءَ گوشت کہ آسانیں ، کم ھرچ ءُُ درچ ءُُ زوتیں انصاف ءِ پُجاری ءِ واستہ ٹیکنالوجی سلوشنز ، ھم سہرا کنگ بوت تانکہ انصاف ءِ پُجاری ءَ آمید گس ءِ کمک کنگ بہ بیت۔ بزگیں ءُُ گریبیں تبک ءِ مردم آناں انصاف ءِ پُجاری ءِ واستہ ریاست ءِ نیمگ ءَ کانودی کمک پُجاری ءِ واستہ کانود سہرا کنگ بوھگ ءَ اِنت تانکہ میراس ءَ رستگیں مڈی ءِ در جنگ ءَ زالبول آناں کمک ءَ را دل یکیمی جوڑ کنگ ءِ واستہ ھاسیں کانود سہرا کنگ بہ بیت۔ آئی ءَ گوشت کہ وسل بلوئر پروٹیکشن اینڈ ویجیلنس کمیشن جوڑ کنگ بوھگ ءَ اِنت ایشی ءِ مول ءُُ مراد کرپشن یا ایندگہ کرائم آناں نشان دیوکیں مردم آنی آسراتی پجاری کنگ بہ بیت ءُُ ایشی ءَ ابید آواں داد ھم دیگ بہ بیت۔ آئی ءَ گوشت کہ سرکاری ملازم آناں سروس ءِ جیڈھ ءِ تہ ءَ انصاف ءِ در جنگ ءِ کار ھم آسان کنگ بوھگ ءَ انت۔ ڈن ملک ءَ چہ دو نیمگی کانود ءِ کمک ءِ منوگری زوتاں زوت سرجم کنگ ءِ ھاترا میوچل لیگل اسسٹنس بل سہرا کنگ بیت۔ اے بل گوستگیں نوہ سال ءَ چہ مھتلی ءِ آماچ اِنت۔
