اسلام آباد۔ 22 نومبر (اے پی پی) بُنجاھی وزیر وانگ ءُُ زانگ ءُُ کزبی ھیل کاری شفقت محمود ءَ گوشت کہ پاکستان لڈ ءُُ بارکنوک آناں وانگ ءُ زانگ ءُُ جان سلامتی ءِ آسراتی پُجارینوکیں ملک آنی لڑ ءَ ھوار اِنت، میاں اوستمانی دُگنیا ءِ مردم آناں باور کنگ لوٹ ایت کہ ما 25۔30 بیست ءُُ پنچ ، سئی سال آں چہ لڈ ءُُ بار کنوک ءُُ آیوکیں مردم آنی بوجھ کوپگ ءَ کتگ۔ پنچ شمبے ءِ روچ ءَ آ یونیسکو ءِ کمک ءَ یو این ایچ سی آر ءِ نیمگ ءَ جاڑیگیں میاں اوستمانی مانیٹرنگ رپوٹ 2019 ’’ہجرت، نقل مکانی ءُُ وانگ ءُُ زانگ ‘‘ ءِ بُنگپ ءِ سر ءَ مراگش ءِ بنگیجی دیوان ءَ گوں تران کنگ ءَ ات۔ اے موہ ءِ سر ءَ یونیسکو ءِ نماھندگ بیبک جانسن ، یو این ایچ سی آر ءِ نماھندگ روینڈ رہنی ، مینیک ڈیویلا ھم ساڑی ات۔ بُنجاھی وزیر شفقت محمود ءَ مراگش ءَ گوں گشتانک دیان ءَ گوشت کہ پاکستان دُگنیا ءِ ھما ملک آنی تہ ءَ ھوار اِنت ھما کہ لڈ ءُُ بار کنوکیں مردم آنی وانگ ءُُ زانگ ءُُ جان سلامتی آسراتی پُجارینگ ءَ کمک کنگ ءَ کرد پیلو کنگ ءَ انت۔ آئی ءَ گوشت کہ پاکستان 1978۔79 ءَ بندات بوھوکیں اوگان جنگ ءَ چہ پد یک ٹوھیں کساس ءَ لڈ ءُُ بار ی اوگان مردم آنی میزبانی ءَ کنگ ءَ انت۔ اے وھد ءَ پاکستان ءَ رجسٹریں 1.4 ملین اوگان لڈ ءُُ بار کنوکیں مردم انت وھدیکہ اسل ءَ اے کساس سک باز اَنت۔ یک مزنیں کساس ءَ اوگان گیر رجسٹر انت اوگان مہاجرین جتا جتائیں مول ءُُ مراد آنی سبب ءَ مئے چاگرد ءَ سیر لاپ آں جاگہ کتگ۔ آئی ءَ گوشت کہ مہاجرین کیمپ آنی تہءَ نشتگیں مہاجرین آنی زھگ آناں سرکاری سکول ءُُ زانشت پُجارینگ بوھگ ءَ اِنت۔
