حکومت مر مر انگا علاقہ غاتا خلقت ءِ جان جوڑی نا آب اٹ خذمت آتا فراوانی کن ہر وڑ گام گیج کننگ ءِ
راولپنڈی۔ 22 نومبر (اے پی پی) صدر مملکت ڈاکٹر عارف علوی پارینے کہ حکومت الس خاص کر مر مر انگا علاقہ غاتا خلقت ءِ جا ن جوڑی نا آب اٹ خذمت آتا فراوانی کن ہروڑ گام گیج کننگ ءِ۔ اوداہیت ءِ پنچ شنبے نادے داڑے آرمڈ فورسز انسٹیٹیوٹ آف ڈینٹسٹری (اے ایف آئی ڈی ) ٹی 11می جہانی کانفرنس اورل اینڈ میگزیلو فیشل سرجن آتیان تران کرسا پارے ۔ صدر مملکت بحیثیت مہمان خاص دود آن تران کرسا اے ایف آئی ڈی و پاکستان ایسوسی ایشن آف اورل اینڈ میگزیلو فیشل سرجنز(پی اے او ایم ایس) ءِ دا جہانی کانفرنس نا اڈتننگ آ مبارکباد ترسا پارے کہ داکانفرنس ساڑی مروک آتے کن ہیل کننگ نا بھلو آزموندہ اس مریک۔ اوڈینٹسٹری نا بشخ اٹی اے ایف آئی ڈی نا خذمت آتا ستاءِ کرسا پارے کہ دا ادارہ ملک اٹی چیدہ چیدہ ہند جاٹ فضیلت آتیان اسٹ ءِ ہرا ڈینٹسٹری نا بشخ آتے ٹی درمان ناپوسکن آ آسراتی تیان آراستہ ءِ۔ صدر مملکت ہراتینٹ ہم اسہ ڈینٹسٹ اسے ، ڈینٹسٹری نا پڑ اٹ پیش بروک آ پیش ہاے رفت و انسانی جون نا جم اٹنگا فٹنس اٹی اورل ہیلتھ انا اہمیت ءِ تالان کرے۔ اوڈینٹسٹری ٹی اورل او میگزیلو فیشل سرجری نا ودوک آ اہمیت ءِ ہم مون آ تخا ۔ اوپارے کہ داڈول نا کانفرنس آک جوانی نا پوسکن ءُ کسر پٹنگ اٹ کمکار مریرہ۔
