اسلام آباد۔ 22 نومبر (اے پی پی) راجی کیاسگری بیورو ءِ چیئرمین جسٹس (ر) جاوید اقبال ءِ سروکی ءَ نیب ہیڈ کوارٹرز ءَ یک دیوان ءِ برجم دارگ بوت۔ دیوان ءَ نیب ءِ توامیں دمگی بیوروز آنی ھواریں کرد آنی سر ءَ چار تپاسی زورگ بوت۔ چیئرمین نیب ءَ گوشت کہ لٹ ءُُ پل ءِ ھلاسی مئے ایمان ءُُ ما کرپشن فری پاکستان ءِ واستہ واھشت ایگ آں۔ آئی ءَ گوشت کہ نیب لٹ ءُُ پُل ءِ ھلاسی ءِ واستہ جوانیں گامگیج کنگ ءَ آں، ڈنگ آناں کانود ءِ پنجگ آں آرگ مئے اولی کار اِنت ءُُ ایشی ءِ واستہ توامیں آسراتی آں کارمرد کنگ ءَ آں۔ آئی ءَ گوشت کہ نیب لٹ ءُُ پل ءِ ھلاسی ءَ را وتی راجی زمہ واری پھم ایت ۔ آئی ءَ پنت ءُُ شون کت کہ میگا کرپشن ءِ کیس آناں اول سر ءَ آسر کنگ بیت ءُُ کسانوکیں لٹ ءُُ پُلی کیس آناں انٹی کرپشن ءِ ادارگ آناں روان دیگ بہ بیت تانکہ شکاست آنی سر ءَ چار ءُُ بچار کنگ بہ بیت، انکوائری ءُُ انوسٹی گیشنز ءَ را کانود، میرٹ، ساپ ءُُ مھکمیں شاھدی آنی بنیات ءَ دھ ماہ ءِ گیشینتگیں وھد ءُُ پاس ءِ اندر ءَ آسر ءَ سر کنگ بہ بیت۔
