اسلام آباد۔ 22 نومبر (اے پی پی) مزن وزیر ءِ جارچین ءُُ ھاسیں کمکار برائے سیاسی کار افتخار درانی ءَ گوشت کہ برائم منسٹر سٹیزن پورٹل ءِ برجائی ءَ پد اولی بیست ءُُ چار روچ 24 آنی تہءَ پاکستان ، یو اے ای ، سعودی عرب، برطانیہ، گتر ءُُ عمان ءَ ھوار ایندگر ملک آنی تہءَ 4 لکھ 54ہزار ایپلی کیشنز ڈاؤن لوڈ کنگ بوتگ، سیٹیزن پورٹل ءِ سر ء رجسٹریں سرکاری ادارگ آنی کساس 4995اِنت، یک لکھ 71ہزار شکاست پورٹل ءِ سر ءَ جم کنگ بوتگ ایشانی تہءَ 16ہزار 770شکاست گیوار کنگ بوتگ باکی شکاست سیادی داروکیں صوبگ ، ضلع آنی ادارہ آناں روان داتگ اَنت، 5ہزار 547شکاست گیوار کنگ ءَ پد فیڈ بیک ھم جم کنگ بوتگ، شکاست آنی مانیٹرنگ مزن وزیر کارگس وت کنگ ءَ اِنت، سندھ ءُُ بلوچستان ءَ را ھم پورٹل ءَ برجا کنگ ءِ واستہ چیف سیکرٹریز آنی تک ءَ گپ ءُُ تران کنگ بوھگ ءَ انت۔ آ پنچ شمبے ءَ ادا میڈیا ءَ را بریفنگ دیگ ءَ ات۔ مزن وزیر ءِ ھاسیں کمکا افتخار درانی ءَ گوشت کہ پرائم منسٹر سیٹیزن پورٹل ءِ بنگیج ءَ چہ پد 24روچ آنی اندر ءَ پاکستان ءَ ھوار سرجمیں دگنیا ءِ جتا جتائیں ملک آنی تہ ءَ نندوکیں پاکستانی آنی پورٹل ءَ ایپلی کیشن ڈاؤن کت، ھواریں رنگ ءَ ایپلی کیشن ڈاؤن لوڈ کنوک آنی 94درسد مرد ءُُ 6درسد زالبول ھوار اَنت، پورٹل ءَ ایپلی کیشن ڈاؤن لوڈ کنوکیں نودربر ، پرائیویٹ کاروبار ءَ گوں بندوکیں مردم ، کارپوریٹ سیکٹر، سوشل ورکز ءُُ اھوالکار ھم ھوار اَنت۔
