اسلام آباد۔ 22 نومبر (اے پی پی) بُنجاھی وزیر برائے منصوبگ بندی ، دیمروئی کار مخدوم خسرو بختیار ءَ گوشت کہ فرانس پاکستان ءِ یک ارزشتی ایں دیمروئی پارٹنر ات۔ اے ھیالانی درشانی آئی ءَ پنچ شمبے ءِ روچ ءَ پاکستان ءَ فرانس ءِ سفیر مارک بریٹی ءَ گوں گپ ءُُ تران کنان ءَ کت آئی ءَ آئی ءَ گوں اے ایف ڈی ءِ کنٹری ڈائریکٹر جیکی ایمپرو ءِ ھمبراھی ءَ گند ءُُ نند کت۔ اے موہ ءِ سر ءَ سیکرٹری پلاننگ ظفر حسن ھم ساڑی ات۔ بُنجاھی وزیر ءَ گوشت کہ پاکستان سرمایہ کاری ءِ جوانیں موہ پُجارین ایت ءُُ اے رد ءَ فرانس دوئیں ملک آنی وت مہ وتی نپ ءُُ سیت ءِ واستہ سرمایہ کاری ءِ گیش موہ پٹ ءُُ پول کنگ ءِ سر ءَ چار ءُُ بچار کت کنت۔ آئی ءَ گوشت کہ فرانس سولر سسٹم ءَ چہ ھاٹیگ ءِ پیداک کنگ ءَ بلدکار اِنت ءُُ آ پاکستان ءَ اے شوبگ ءَ موہ آنی رد ءَ سرمایہ کاری کت کنت۔ بُنجاھی وزیر ءَ پاکستان ءَ سیل ءُُ سوادی شوبگ ءِ دیمروئی ءُُ ملک ءَ گیش ودوکیں توان ءِ پیداوار ءِ رد ءَ ٹرانسمیشن ءِ نظام ءَ را اپ گریڈیشن ءَ دو نیمگی ودینگ ءِ سر ءَ زور پر دات۔ سیکرٹری ظفر حسن ءَ گوشت کہ استیں حکومت ساپیں ھاٹیگ ءِ پیداک کنگ ءَ جزمیگ اِنت ءُُ فرانس اے رد ءَ منصوبگ آناں فنانس کت کنت۔
