صوبائی وزیر جان جوڑی میر نصیب اللہ مری نا ’’اے پی پی ‘‘ تون ہیت و گپ

حکومت جان جوڑی نا بشخ آ خصوصی چکار کننگ ءِ تانکہ خلقت ءِ جان جوڑی نا بنداوی آسراتی دوبننگ کے
کوئٹہ۔22نومبر (اے پی پی) صوبائی وزیر جان جوڑی میر نصیب اللہ مری پارینے کہ حکومت جان جوڑی نا بشخ آ خصوصی چکار کننگ ءِ تانکہ خلقت ءِ جان جوڑی نا بنداوی آسراتی دوبننگ کے، داخیال آتا درشانی ءِ او ‘‘ اے پی پی ‘‘ تون ہیت وگپ کرسا کرے، صوبائی وزیر جان جوڑی میر نصیب اللہ مری کوئٹہ تون اوار مچ آ ہسپتال نا غٹ بشخ آتا سرجم جاچ ءِ ہلک۔ دا وخت آ ہسپتال اٹی ساڑی مریض و شاریک صوبائی وزیر تون غاو کریر، ڈاکٹرز و دوائی تا کمتی نا بابت ہم خلقت صوبائی وزیر جان جوڑی ءِ غاو تسر ہراڑآ صوبائی وزیر جان جوڑی مریض و شاری تے باوری ترفے کہ بھاز زوت ڈویژنل ہیڈ کوارٹر ہسپتال اٹی ڈاکٹر و دوائی تا کمتی ءِ مر کننگک۔ داوخت آ صوبائی وزیر چندی وارڈ آتے ٹی درمان مروک مریض آتا جان پڑسی ءِ کرے و اوفتا طب انا بارواٹ ہریفے۔