اسلام آباد۔ 22نومبر (اے پی پی) وزیر مملکت ہاؤسنگ شبیر علی قریشی پارینے کہ حکومت لس بندغ نا ویل آتے پہہ مریک و اوفتے ایسر کننگ کن پورو پروگرام اتون مون آ ہِننگ ءِ۔ اوپارے کہ ملکی تاریخ اٹی دا اولیکو وار دُن مننگ ءِ کہ حکومت اقتدار اٹی بننگ تون ہی اُراتا کمتی نا ویل ءِ ایسر کننگ کن پوسکن آپاکستان ہاؤسنگ پروگرام نا بناءِ کرینے۔ اوپارے کہ داہیت انا کریڈٹ وزیراعظم عمرانءِ کاہک کہ او وخت انا زیان کننگ آن بیدس دا پروگرام نا بناءِ کرینے۔ پنچ شنبے نادے ’’اے پی پی‘‘ تون ہیت وگپ کرسا اوپارے کہ خوشی ناہیت دادے کہ الس نا کنڈان پوسکن آ پاکستان ہاؤسنگ پروگرام اٹی پبی است خواہی ہُننگ کن ملانے و بھلو کچ اسے آ خلقت فارم ہلسا پدی جمع کرفنگ ءُ تانکہ او دا اسکیم نا بشخ جوڑ مننگ کیر۔ شبیر علی قریشی پارے کہ تحریک انصاف نا سرکڑدہ الس نا خذمت آ یخین تخک و قوم خنک کہ وزیراعظم عمران خان نا سرکڑدہ ہی ٹی پوسکن آپاکستان ہاؤسنگ پروگرام سرسہبی اٹ ہمکنار مریک۔ اسہ سوج اسے نا ورندی ٹی اوپارے کہ اپوزیشن نا شرف ءِ کینہ ولے اونا کنڈان مثبت تنقید کننگے تانکہ ملک شونداری نا مزل ءِ طے کننگ کے۔
