پتراجایہ/ اسلام آباد۔ 21 نومبر (اے پی پی) پاکستان ءَ ملائیشیا ءِ گوما ہائی ٹیک انڈسٹری ءَ وت مہ وتی کمک ءَ را دیمروئی دیگ، لٹ ءُُ پُل ءِ ھلاسی ءُُ معاشی دیمروئی ءِ دزگیری ءِ واستہ ملائیشیا ءِ تجروبت آں چہ سیت در جنگ ءِ ھاترا ٹوھیں واھشت ءِ درشان کتگ۔ پاکستان ءُُ ملائیشیا ءِ مزن وزیر آں تجارتی ءُُ لٹ ءُُ پُل ءِ ھلاسی ءُُ وت مہ وتی یکوئی آناں گیش ودینگ ءُُ برجا کنگ ءِ واستہ سول ءُُ تران ءُُ دراج بُریں رابطہ آنی سر ءَ تپاک کت، مزن وزیر عمران خان ءُُ آئی ءِ ملائیشیئن ھمکار ڈاکٹر مہاتیر محمد ءَ پترا جایہ ءَ ملائیشیا ءِ مزن وزیر ءِ کارگس ءَ دانہ سکوائر ء۔ جتا جتائیں شوبگ آنی تہءَ کمک ءِ بابت ءَ کتگیں سول ءُُ تران ءِ بازیں بھر آں پد چار شمبے ءَ گند ءُُ نند کت ءُُ اے موہ ءِ سر ءَ یکجائیں پریس کانفرنس ءَ گشتانک ءِ ساھت ءَ دوئیں سروک آں بزانت بلدیں سول ءُُ تران آنی سر ءَ دل یکیمی ءِ درشان کت ایشانی تہءَ دو نیمگی یکوئی آنی دیمروئی ، دمگی ءُُ میاں اوستمانی جیڈھ آں ھوار وت مہ وتی کار آنی سر ءَ ھیال ریچی کت۔ عمران خان ءَ گوشت کہ آ مزن وزیر ڈاکٹر مہاتیر محمد ءَ گوں مزنیں واھگ ءِ دار ایت تانکہ آئی ءَ اے ملک ءِ معیشت ءِ دیمروئی ءُُ ملائیشیا ءِ ھواریں راجی پیداوار ءِ تہ ءَ گیشی ءِ ھوالگ ءَ آئی ءِ تجروبت آں چہ سیت زرت بکن آں۔ آئی ءَ گوشت کہ دوئیں ملک آنی الس آں وتی حکومت ءَ را لٹ ءُُ پل ءِ ھلاپ ءَ کوشست ءُُ کرپشن ءِ ھلاسی ءِ مینڈیٹ داتگ۔ مزن وزیر ءَ گوشت کہ پاکستان ملائیشیا ءِ تجروبت آں چہ سیت زورگ لوٹ ایت۔ پریس کانفرنس ءِ موہ ءَ ملائیشیا ءِ مزن وزیر ڈاکٹرمہاتیرمحمد ءَ گوشت کہ آئی ءِ ملک آسیان ءِ پلیٹ فارم ءِ سر ءَ پاکستان ءَ را ھم سول ءُُ تران ءِ تہ ءَ ھوار بوھگ ءُُ چارگ لوٹ ایت۔ ڈاکٹرمہاتیرمحمد ءَ پاکستان ءُُ ملائیشیا ءِ روایتی دوستی ءِ ھوالگ ءَ دیان ءَ گوشت کہ ما توامیں شوبگ آنی تہ ءَ دو نیمگی یکوئی ءَ را گیش ودینگ ءِ جتا جتائیں رسانک آں گوں تران کت۔ آئی ءَ گوشت کہ وھد ءِ ما سروکی گپتگ گڈا مزن وزیر عمران خان ھما میاں اوستمانی سروک انت کہ آئی ءَ ملائیشیا ءِ تر ءُُ تاب کتگ۔
