اسلام آباد۔ 21نومبر (اے پی پی) اسپیکر قومی اسمبلی اسد قیصر و ڈپٹی اسپیکر قاسم خان سوری پارینو کہ نبی ﷺ مچ آ کائنات کن مشعل راہ و باعث رحمت ءِ، خواجہ ﷺ نا سنت آ عمل کرسا نن تینا غٹ مشکل آتے آن نجات دوئی کننگ کینہ۔ عید میلا دالنبی ﷺ نا مناسبت اٹ تینا کلہواٹی اوفک پاریر کہ خواجہ ﷺ نا اسوہ حسنہ عدل و انصاف، سچائی بقائے تین پہ تینی، انسانیت تون ہمدردی، صبر و سگ و امن و مابت نا گچین ءُ مثال ءُ۔ اوفک پاریر کہ خواجہ ﷺ نا سنت و رغاموک آ کسر تیا عمل کرسا ہی دنیا ٹی حق امن قائم کننگ مریک۔ اوفک پاریر کہ خواجہ ﷺ نا بننگ مچ آ کائنات کن باعث رحمت و خواجہ ﷺ نا سیرت انسانیت کن ررشدو ہدایت نا سرچشمہ ءِ، خواجہ ﷺ نا سنت آ عمل کرسا نن تینا غٹ مشکل آتے آن نجات دوئی کننگ کینہ۔ اوفک پاریر کہ خواجہ ﷺ تینا اوصاف کاملہ و بڑزکو کڑد انا کمک اٹ خلقت نا است و ذہن اٹی اسہ انقلاب اس برپا کرسا انسانیت ءِ جہالت نا تہاری و شرک انا تہاری تیان کشسا انسانیت نا بڑزکو درجہ غاتیا فائز کرے۔خواجہ ﷺ نا پاکیزہ سیرت و ذاتی عمل نا کمک اٹ بے کچ چنکو وخت اسے ٹی خلقت نا زند اٹی بدلی اتسا دنیا ٹی اسہ انقلاب اس برپاکرے۔ خواجہ ﷺ نا سیرت طیبہ اسہ پورو ءُ ضابطہ حیات اسے ہرانا پیروی ءِ بایدے ہر بندغ کے۔ خواجہ ﷺ نا رغاموک آ کسر تے ٹی غٹ ویل آتا ایسری ارے و اسوہ حسنہ نا پیروی ءِ کرسا نن رنگ و نسل نا پرخ ءِ چٹفسا تینا زند ءِ خوشی تیان پُر کننگ کینہ۔
