اسلام آباد۔ 21نومبر (اے پی پی) بنجائی وزیر مذہبی امور بین المذاہب ہم آہنگی پیر نورالحق قادری پارینے کہ پاکستان نا آئین ہراسٹ ءِ مسلمان گوندپ او وخت اس ہم مسلمان مننگ کپک، وزارت مذہبی امور عالم دین و حکومت نا نیام اٹ پول انا کڑد ءِ ادا کرسا کیک، خواجہ ؑ نا رغاموک آ کسر آک نن کن مشعل راہ ءُ۔ داخیال آتا درشانی ءِ او چارشنبے نادے سیرت النبی ؑ کانفرنس آن تران کرسا کرے۔ اوپارے کہ سیرت النبی ؑ کانفرنس نا اڈتننگ رسمی یا روایتی وڑاٹ آخا بلکن عبادت سرپند کرسا کننگ اُن انتئے کہ اللہ تعالیٰ آن پد ننے آ خواجہ ؑ نا غٹ آن زیات احسانک ءُ۔ اوپارے کہ داخوشی نا ہیت اسے کہ کانفرنس اٹی برطانیہ ، بھارت، ایران، عراق، سعودی عرب، مراکش، لبنان ، شام و ایلو ملک آتیان عالم دین و مشائخ شرکت کننگ ءُ۔ اوپارے کہ اسلام نا ترویج اٹی وزارت مدام تینا کڑد ءِ ادا کرسا کیک و نن عالم دین و حکومت نا نیام اٹ پول انا کڑد ءِ ادا کرسا کینہ۔ پیر نور الحق قادری پارے کہ پاکستان نا آئین ہراسٹ ءِ غیر مسلم گوندانے او وخت اس ہم مسلمان مننگ کپک۔ اوپارے کہ گستاخانہ خاکہ غاتا برخلاف پاکستان توانا توار بڑز کرے و وزیراعظم عمران خان واضھ کلہو تسوسس کہ شاید دیکی ءِ خبر اف کہ نن تینا خواجہ ؑ تون اخس مابت کینہ۔ اوپارے کہ خاکہ غاتا بابت ہالینڈ نا سفیر ءِ بٹنگسا شدید ردعمل نا درشانی ءِ کننگا و وزیر خارجہ شاہ محمود قریشی مسلم ملک آتا وزیر خارجہ غاتے فون کرے و موثر حکمت عملی اس تینا کننگ نا پارے۔
