اسلام آباد۔ 21 نومبر (اے پی پی) پارلیمانی سیکرٹری ریلوے فرخ حبیب عید میلاد النبی ؑ نا وخت آ پارینے کہ ربیع الاول ننکن بے کچ رحمت و برکت آتا تُو ءِ نن سرور کائنات نا رغاموک آ کسر تیا بایدے عمل کین۔ چارشنبے نادے جاری بیان اٹی اوپارے کہ معلم انسانیت بیرہ مسلمان تے کن ہی مبعوث متنے بلکن غٹ جہان آتے کن رحمت اللعالمین مرسا تشریف ایس۔ اوپارے کہ دا مبارک انگا تُو اٹی ننا زمواری ءِ کہ نن خواجہ محمد ؑ نا سنت آتیا عمل کننگ تون اسہ ایلو تون حسن اخلاق و رواداری ءِ لس کین ۔ اوپارے کہ ریاست مدینہ نا تصور ننا غٹ اکن آئیڈیل ءِ و پاکستان ریاست مدینہ ٹی ضرور بدل مریک۔
