کوئٹہ۔ 21 نومبر (اے پی پی) صوبائی وزیر جان جوڑی میر نصیب اللہ مری نا پارت آ سنڈیمن صوبائی سول ہسپتال کوئٹہ ٹی ایمرجنسی ڈیوٹی آن غیر حاضر ڈاکٹر آتون اوار پنچ کارندہ غاتے زمواری تیان فارغ کرسا سیکرٹری جان جوڑی بلوچستان ءِ رپورٹ کننگ نا پارت کننگا۔ چارشنبے نادے میڈیکل سپریٹنڈنٹ سول ہسپتال کوئٹہ ڈاکٹر محمد سلیم ابڑو ڈپٹی میڈیکل سپریٹنڈنٹ ڈاکٹر نوراللہ موسیٰ خیل و صوبائی وزیر جان جوڑی بلوچستان نا نمائندہ میر عبدالشکور مری تون اوار سول ہسپتال کوئٹہ نا چندی بشخ آتا اناگت دورہ ءِ کریر و ایمر جنسی ڈیوٹی آن غیر حاضر اسہ میڈیکل آفیسر اِراوارڈ بوائے اسہ ای سی جی ٹیکنیشن و اسہ سوئیپر اسے نا برخلاف دمدستی کارروائی کرسا اوفتے سول ہسپتال کوئٹہ غان فارغ کرسا سیکرٹری جان جوڑی ءِ رپورٹ کننگ نا پارت کرے۔
