اسلام آباد۔ 20 نومبر (اے پی پی) مزن وزیر عمران خان ءَ گوشت کہ وتی کرد ءِ بُرزی ءَ چہ ما وتی ملک ءَ را بُرز کت کناں، مئے آئیڈیل نبی کریم ﷺ انت ءُُ مار اآئی ءِ سوج داتگیں کشک ءَ روان ءَ دیمروئی ءُُ کامیاتی ءِ سپر بُرگی اِنت، بنی کریم ﷺ ءِ زندمان ءِ وانشت ھمک مسلمان ءِ واستہ سک باز المی اِنت، رحمت اللعالمین ءَ سرجمیں دگنیا ءَ را گہبودی ریاست ءِ لیکہ داتگ۔ مدینہ ءِ ریاست احمدلی ءِ بنیات ءِ سر ءَ بوتگ، نیک راھ ءِ ٹھیکیدار اسلام ءِ ردئیں لیکہ ءَ پیش دارگ ءَ انت، ہائرایجوکیشن کمیشن ءَ چہ سئے یونیورسٹی آنی تہ ءَ نبی کریم ءِ زندمان ءُُ ’’اسوہ حسنہ‘‘ ءِ سر ءَ پٹ ءُُ پول کاری ءِ واستہ چیئرز جوڑ کنگ ءِ واستہ گوشگ بوتگ، ’’توہین مذاہب‘‘ ءِ واستہ میاں اوستمانی کنونشن اے رد ءَ احمر بلال صوفی ءَ را زمہ واری داتگ انت۔ سئے شمبے ءَ میاں اوستمانی سیرت کانفرنس ءَ ھاسیں مہمان ءِ بستار ءَ گشتانک دیگ ءَ ات مزن وزیر عمران خان ءَ کامیاتیں کانفرنس ءِ برجم دارگ ءِ پد ءَ بُنجاھی وزیر نیک راھی نور الحق قادری، سیکرٹری نیک راھی کار میاں مشتاق ءُُ بھر زوروک آنی شگر ءُُ منت گپت ءُُ آواناں مبارک بات دات۔ میاں اوستمانی سیری کانفرنس ءَ بُنجاھی وزیر ، پارلیمانی باسک، صوبائی وزیر ، اسلامی ملک آنی سفیر، اسلامی ملک آنی سکالر ءُُ ملک ءِ جتا جتائیں سسا ساچ ءُُ عالم آں ھوار اسکول، کالج ءُُ شاہ دربر جاھ آنی نودربر ھوار اتنت۔ مزن وزیر عمران خان ءَ کانفرنس ءَ آیوکیں میاں استمانی اسکالرز آناں ھم وش اتک کت۔ مزن وزیر ءَ وتی گشتانک ءِ تہءَ گوشت کہ مرچی اے دیوان ءَ ٹوھیں اسکالر عالم ءُُ شاھ زانت ساڑی اَنت بلے آ یک نودربر ءِ بستار ءَ وتی ھیالانی درشانی ءَ کنگ لوٹ ایت۔ آئی ءَ گوشت کہ آ کرکٹ ءِ گڈی روچاں صوفی میاں بشیر ءِ دیوان ءَ آئی ءِ رھشونی ءِ سبب ءَ دین ءِ نیمگ ءَ اتکگ۔ ایشی ءَ چہ پیسر آ نام ءِ مسلمان ءِ بوتگ ءُُ آ آدینگ ءُُ ائید ءِ نماز ءِ وانوک ءِ بوتگ۔ آئی ءِ رھشونی ءِ سبب ءَ آ راستیں کشک ءَ آیگ ءِ توفیق رستگ ، اے ھما وھد ءَ بوت کنت وھد ءِ ترا للہ پاک ءِ سر ءَ یکیم بہ بیت۔ آروچ ءَ چہ پد تئی زندمان مٹ بیت۔ مزن وزیر ءَ گوشت کہ وھد ءِ تو راستیں کشک ءِ نیمگ ءَ روگ لوٹ ات گڈا آسان بیت روگ بلے اے سفر آسان نہ اِنت، اے کوشست آنی بندات بیت۔ راستیں راھ مارا ھما وھد ءَ رسیت وھد ءِ ما نبی کریم ﷺ ءِ ’’ اسوہ حسنہ ‘‘ ءِ سر ءَ بئے۔ آئی ءَ گوشت کہ نبی کریم ءِ زندمان ءِ پٹ ءُُ پول ءُُ وانشت ھمک مسلمان ءِ سر ءَ ضلوری اِنت۔ آ رحمت اللعالمین بوتگ، آئی ءَ سرجمیں دُگنیا ءَ را گہبودی ریاست ءِ لیکہ ءِ داتگ۔ مدینہ ءِ ریاست رحمدلی ءِ بنیات ءَ برجا بوتگ۔ نبی کریم ﷺ ءُُ آئی اصحابی آنی کراّ آسراتی نہ بوتگ۔ بلے آوانی کرا رحمدلی ءُُ زمہ واری ءِ درد بوتگ۔ ھمے سبب اِنت کہ آئی ءَ آسراتی رد ءَ ابید گہبودی ریاست ءِ جوڑیشت ءُُ برجائی ءَ ر ا تالان کتگ۔
