نقل کروک آتا برخلاف سخت کارروائی کننگک، عباداللہ غرشین

کوئٹہ۔ 20 نومبر (اے پی پی) کنٹرولر امتحانات بی آئی ایس ای کوئٹہ سید عباداللہ شاہ غرشین پارینے کہ ڈپلومہ آف ایسوسی ایٹ انجینئرز نا امتحان آک پرامن وڑاٹ برجاءُ، بورڈ انا کنڈآن مانیٹرنگ ٹیم اس جوڑ کننگانے ہرا وخت ءُ وخت آ غٹ امتحانی ہند آتا دورہ ءِ کننگ ءِ۔ کنٹرولر امتحانات بی آئی ایس ای عباداللہ غرشین ’’اے پی پی ‘‘ تون ہیت وگپ کرسا کرے۔ او پارے کہ نقل کننگ کن کس اسے ہلیپنہ و نئے کس اسے نا زوراکی ءِ منینہ ، اوپارے کہ نقل کننگ کن کس ءِ موکل تفنہ آخبت نا انجینئرآتے بایدے مرے کہ او تیاری کرسا امتحانی ہند آتے ٹی بریر موبائل فون نا کاریم اٹ اتنگ آ پابندی ءِ ۔ اوپارے کہ دہ نا امتحان آک بناکننگ ءُ 27نومبر اسکان دافتا فیس جمع مریک ، ہرافک تینا امتحانی فارم تے 27 تاریخ اسکان جمع کرفتوس تو اوفتیا ودکی فیس لگک۔