اسلام آباد۔ 20نومبر (اے پی پی) وزارت ڈٹ بندی ، شونداری و اصلاحات سرکاری بشخ انا شونداری پروگرام تے ٹی قومی تاریخ و ادبی میرات ڈویژن نا شونداری کاریم تے کن جم وڑاٹ داوخت اسکان 3کروڑ 3لکھ روپئی آن زیات نا فنڈ جاری کننگانے۔ حکومت داڈویژن نا شونداری کاریم تے کن اینخو نا مالی سال اٹی 16کروڑ 82لکھ روپئی آن زیات نا فنڈ جتا کرینے۔ پلاننگ کمیشن نا کنڈان جاری کروک حساب وکتاب نا رداٹ حکومت پشاور اٹی کانفرنس ہال، گیسٹ ہاؤس ، آفس بلڈنگ و کمیٹی روم اتون اوار چندی تعمیراتی کاریم تے کن 76لکھ، کوئٹہ ٹی ریجنل آفس نا تعمیر کن 36لکھ، نیشنل آف ہائی وے آف پاکستان کن 38 لکھ روپئی آن زیات نا فنڈ جاری کرینے۔
