اسلام آباد۔ 20 نومبر (اے پی پی) وزیراعظم نیشنل ہیلتھ پروگرام نا رداٹ مچ آ ملک آن 4لکھ 74ہزار خاہوت نا درمان کننگا۔ اسہ لکھ اسہ ہزار بندغ ہسپتال آتے ٹی داخل مسر ہراڑے اوفتا اوپن ہارٹ سرجری آن ہلیس معمولی ناجوڑی تا ہم درمان کننگا۔ وزارت جان جوڑی نا ذرائع پارے کہ مچ آ ملک انا 38 ضلع غاتیان 32لکھ خاہوت آتے دا پروگرام نا رداٹ جان جوڑی نا بابت رکھ فراوان کننگا۔ اولیکو مرحلہ ٹی مچ آ ملک آن 153ہسپتالءِ پینل آ ہلنگا ہراڑے 3لکھ روپئی اسکان بنائی درمان نا آسراتی دوئس، ارٹ میکو مرحلہ ٹی 7 کبین آ درمان والا مرض آتا درمان ءِ دا پروگرام اٹی اوار کننگا۔ اوپارے کہ دا پروگرام یکم جنوری 2016ء ٹی اسلام آباد آن بناکننگا۔ سٹیٹ لائف انشورنس کارپوریشن 32لکھ خاہوت آتے جان جوڑی انشور نس اٹی اوار کرے ہراٹی حکومت سالانہ فی خاہوت 13سد روپئی انشورنس نا مد اٹی جمع کرفے۔ 30 اکتوبر 2018 ء اسکان بنجائی و صوبائی حکومت آک وزیراعظم ہیلتھ پروگرام کن 4.9 بلین روپئی اسٹیٹ لائف ءِ تسنے۔
