اسلام آباد۔ 20نومبر (اے پی پی) بنجائی وزیر پاور ڈویژن عمر ایوب خان پارینے کہ حکومت بجلی نا صارف آتے نہاد آتے ٹی ریلیف تسنے، کابینہ تون اوار غٹ تعلقدار فورم آک نیپرا نا سلاہ و سوج انا برعکس بیرہ اسہ روپئی 27 پیسہ اسہ یونٹ ودکی کننگا، کے الیکٹرک نجی ءُ ادارہ اسیاودے زرکاری ءِ بایدے گچین کروئی مرے۔ سے شنبے نادے داڑے صحافی تتون ہیت وگپ کرسا اوپارے کہ نیپرا بجلی نا نہاد اٹی مسہ روپئی 88پیسہ فی یونٹ ودکی نا سلاہ سوج تسوسس ولے حکومت دا بابت الس ءِ ریلیف تسنے و 300 یونٹ اسکان نا صارف آک ہرا ننا کل آبادی نا 75 درسد یعنی کم و ود 10کروڑ آن زیات ءِ اوفتے کن بجلی نا نہاد اٹی ہچ ءُ ودکی اس کننگتنے۔ ہنداوڑ کمرشل صارف آک ہرافتے ٹی چنکا دوکاندار و ایلو بندغ آک اوار ءُ اوفتے کن بل آتے ٹی ہچ ءُ ودکی اس کننگتنے۔ داکان بیدس صنعت آتے ریلیف تسنے و انڈسٹریل سپورٹ پیکج ءِ انڈسٹریل سپورٹ پیکج اس تننگ انگ ءِ۔ اوپارے کہ کشاری ٹیوب ویل آتے کن بجلی نا نہاد فی یونٹ 10 روپئی آن کم کرسا 5روپئی کننگانے ، داڑان بزغر آتے فائدہ مریک۔ اسہ سوج اسے نا ورندی ٹی اوپارے کہ کے الیکٹرک اسہ نجی ءُ ادارہ اسے اودے زرکاری ءِ ودفنگ نا گرج ءِ ۔ کیہی وارخواہی تیا گچین کارکڑد نشان تفننگ آ جرمانہ ہم کننگانے۔ اسہ سوج اسے نا ورندی ٹی اوپارے کہ آئی ایم ایف تون ہیت وگپ انا چرجوئی برجاءِ۔
