اسلام آباد۔ 20نومبر (اے پی پی) متبادل توانائی نا شونداری نا بورڈ انا چیئرمین امجد علی اعوان پارینے کہ جم اٹنگا ملکی پیداوار نا شرح نمو نا توانائی آ براہ راست سیبو ءِ، توانائی نا بشخ انا چیلنج آتون مون تننگ کن متبادل توانائی نا ذریعہ اٹ بجلی نا پیداوار ءِ ودفوئی مریک۔ اوداخیال آتا درشانیءِ سے شنبے نادے داڑے قابل تجدید توانائی نا پالیسی نا بابت سلابت ورکشاپ آن تران کرسا کرے۔ امجد علی اعوان پارے کہ پاکستان اٹی داوخت آ فی کس توانائی نا کھپت 400 آن 500 کلو واٹ ءِ ہرا ایلو ملک آتا مقابلہ ٹی کم ءِ۔ قابل تجدید توانائی نا بشخ پاکستان اٹی توانائی نا ویل آتون مون تننگ اٹ اہم کڑد ادا کننگ کیک۔ پاکستان وسیلہ غاتیان مالامال ءِ ولے دا وسیلہ غاتیان ننے فائدہ کروئی مریک۔ داکان بیدس بجلی نا ترسیل ، گریڈ اسٹیشنز ، بجلی نا نسخان و ہڑزان بجلی نا دوئی کننگ نا کنڈآ ہم ترندی اتون ہِننگ نا گرج ءِ۔
