اسلام آباد۔ 20نومبر (اے پی پی) صدر آزاد کشمیر سردار مسعود خان پارینے کہ پاکستان و آزاد کشمیر اٹی معاشی سرجز و مون آ بروک آ مڈل کلاس نا سوب آن ملکی و جہانی زرکارآتے کن زرکاری کن بے پناہ وارخواہی میسر ءِ۔ صدر داخیال آتا درشانی ءِ ہسپانوی زرکار آتا اسہ ڈل اسے تون اوڑدہی ٹی کرے۔ ہرافک جموں و کشمیر ہاؤس اسلام آباد اٹی اوڑتون اوڑدہی کریر۔ ڈل انا سرکڑدہ ہی ءِ روزے مینول کاسٹیلینیو مینجر فرنچائز آپریشنز، کانڈس سپین وپاکستانی نژاد ہسپانوی زرکار چوہدری امانت حسین کرے۔ اوڑدہی ٹی ڈل صدر ءِ کانڈس (ہسپانیہ نا بھلا ادارہ ) نا اوپریشن آتا بارواٹی سرجمی اٹ پارے۔ ڈل مچ آ پاکستان اٹی کانڈس رینٹیل سٹور نا فرنچائزآتے ملنگ و آزاد کشمیر اٹی زرکاری نا وارخواہی پٹنگ نا است خواہی نا درشانی ءِ کرے۔ صدر ڈل ءِ بخیر اٹ پارے و اوفتا پاکستان و آزاد کشمیر اٹی زرکاری نا سلاہ و سوج انا ستا ءِ کرے۔
