کراچی۔ 20نومبر (اے پی پی) پاک فضائیہ نا سروک ایئر چیف مارشل مجاہد انور خان ہراکہ پاکستان اسکواش فیڈریشن نا صدر ہم ارے مصحف اسکواش کمپلیکس اسلام آباد اٹی اڈ ہلوک آ برٹش اوپن و یو ایس اوپن اسکواش چیمپیئن شپ انا تیاری تا چرجوئی ٹی جاری تربیتی کیمپ انا دورہ ءِ کرے۔ پاک فضائیہ نا کنڈان سے شنبے نادے داڑے جاری کروک پڑو نا رداٹ ایئر چیف گوازی گر آتون ہیت وگپ کرسا او کوچ آتا سخت خواری نا ستاءِ کرے۔ اوورناگوازی گر آتے یات دہانی کرفسا پارے کہ اسکواش نا عظمت رفتہ ءِ ہلنگ کن سخت خواری و جہد ءِ برجاتخوئی مریک۔ سروک پاک فضائیہ گوازی گر آتا آب ءِ گچین جوڑ کننگ کن تربیتی کیمپ انا بروخت اڈ تننگ آ پاکستان اسکواش فیڈریشن نا کوشست آتا ستاءِ کرے۔ داکان مست سینئر نائب صدر پاکستان اسکواش فیڈریشن ایئر مارشل شاہد اختر علوی ایئر چیف ءِ پلیئرز ڈولپمنٹ پروگرام و جاری تربیتی کیمپ انا بارواٹی احوال ہم تس۔
