APP05-20 OMAN: November 20 - Chairman Senate, Muhammad Sadiq Sanjrani and Dr. Yahya Bin Mahfoudh Al Mantheri, Chairman of the State Council of Oman signing the (MoU) between the upper houses of both countries on Parliamentary Cooperation in Muscat. APP

اسلام آباد۔ 20 نومبر (اے پی پی) سینیٹ آف پاکستان و اومان نا کونسل آف اسٹیٹ نا نیام اٹ ہڑتوم آ کنڈآتا مفاہمت نا یاداشت آ دستخط کننگانے ہرانا مسخت ہڑتوم آ پارلیمان تا نیام اٹ پارلیمانی کمکاری و ادارہ جاتی رابطہ غاتے پین سوگو جوڑ کروئی ءِ۔ معاہدہ غا چیئرمین سینیٹ محمد صادق سنجرانی و اومان نا اسٹیٹ کونسل نا چیئرمین ڈاکٹر یحییٰ بن محفوظ المنتری دستخط کریر۔ داچرجوئی ٹی مروک آ اوڑدہی ٹی اومان نا اسٹیٹ کونسل نا چیئرمین پارے کہ معاہدہ غان مست آن ساڑی آ ہڑتوم آ کنڈآتا رابطہ غاتے پین مربوط جوڑ کننگ اٹ کمک رسینگک۔ اوپارے کہ اومان نا 48 می قومی دے انا دود آتا وخت آ چیئرمین سینیٹ محمد صادق سنجرانی نا دادورہ بے کچ اہمیت تخک۔ داوخت آ چیئرمین سینیٹ نا سرکڑدہ ہی ٹی پارلیمانی ڈل اومان نا اسٹیٹ کونسل نا ارتقائی سفر نا بابت اسہ دستاویزی فلم اس ہم ہرا ہراڑان اونا اختیار و آئین سازی نا بابت آگاہی نا موقع ملا۔ اوڑدہی ٹی ہڑتوم آ ایوان تا نیام اٹ کانود سازی و ایلو اہم بشخ آتے ٹی کمکاری ءِ مون آ دننگ آ امنا کننگا۔ چیئرمین سینیٹ محمد صادق سنجرانی داوخت آ ہیت وگپ کرسا پارے کہ نن ہڑتوم آ ملک آتا نیام اٹ کمکاری ءِ پین گچین جوڑ کننگ خوانہ۔

متعلقہ مضامینمصنف کی طرف سے مزید