کوئٹہ۔ 20نومبر (اے پی پی) بلوچستان عوامی پارٹی نا مرکزی راہشون و پوسکن گچین مروک آ قومی اسمبلی نا باسک سردار اسرار خان ترین پارینے کہ حلقہ نا الس پبی پت کرسا ری الیکشن اٹی شکست کنوک عنصر آتے دُوارہ شکست تون مون تروئی تما ہراڑا حلقہ نا الس نا منت وار اُٹ۔ داخیال آتا درشانی ءِ او بلوچستان عوامی پارٹی نا راہشون چیف آف عبدلانی ملک اسرار ترین، ملک مہراللہ ترین، رؤف درانی ملک روح اللہ خان ترین ، باسک صوبائی اسمبلی لیلیٰ ترین ا ویلو مبارکباد تروک آتون ہیت وگپ کرسا کرے۔ اوپارے کہ الس نا بنداوی گرج آتے پورو کننگ کن پبی کوشست کیوہ اوپارے کہ حلقہ نا الس ہراوڑاٹ پت کرینے اوفتا پت آ پورو سلیوہ، اوپارے کہ حلقہ این اے 258 ہراکہ بلوچستان اٹی غٹ آن بھلا قومی اسمبلی نا حلقہ ہراٹی پنچ ضلع موسیٰ خیل، لورالائی، دکی، زیارت ، ہرنائی اوار ءُ ہراکہ مر مر انگا سخت کسر علاقہ غاتیا تالان حلقہ ءِ ولے حلقہ نا الس کنے آ ہرا پت ءِ کرینے اوفتا حق انا دوئی کننگ کن قومی اسمبلی نا فلور آ پبی توار ہرفیوہ ، اوپارے کہ حلقہ نا الس نا منت وار اُٹ ہراری الیکشن اٹی کنے و کنا سیوتی سردار مسعود خان لونی ءِ باسک صوبائی اسمبلی گچین کرینو۔
