ہرنائی۔ 20 نومبر (اے پی پی) پی ایچ آئی نا سی ای او عزیز احمد جمالی پارے کہ پی پی ایچ آئی الس ءِ جان جوڑی نا آسراتی تا فراوانی کن بی آر ایس پی تون اوار غٹ ادارہ و تنظیم آتون کمک کیک، پی پی ایچ آئی کچ اٹ دوئی وسیلہ غاتے ٹی مرسا بنداوی ہندجاٹ جان جوڑی ٹی الس ءِ آسراتی فراوان کننگ ءِ، داہیت ءِ او سے شنبے نادے بلوچستان رورل سپورٹ پروگرام (بی آر ایس پی) نا ڈل اتون اوڑدہی کرے ، ڈل انا سرکڑدہ ہی ءِ سینئر مینیجر ہیلتھ اینڈ نیو ٹریشن سراج الحق غوری کریکہ۔ اوڑتون اوار میر حافظ ایم این ای کوآرڈینیٹر ملیریا پروگرام و عبداللہ بادینی منیجر ہیلتھ اینڈ نیوٹریشن ئسر۔ ڈل پی پی ایچ آئی نا کڑ دانا ستاءِ کرساپارے کہ پی پی ایچ آئی بے کچ جوان وڑاٹ مچ آ بلوچستان اٹی جان جوڑی نا بابت گچین کاریم کننگ ءِ و بی آر ایس پی ملیریا نا توننگ کن بلوچستان اٹی کاریم کننگ ءِ و پی پی ایچ آئی تون تینا کمک و رابطہ ءِ گچین جوڑ کننگ خواہک انتئے کہ پی پی ایچ آئی باقاعدگی اتون ضلعی کہول آ ماہانہ جاچ دیوان اس اڈ ایتک ننا است خواہی ءِ کہ او تینا دا جاچ دیوان آتے ٹی ننا ڈسٹرکٹ کوآرڈینیٹر ءِ ہم بٹنگے تانکہ ویل آتے ایسر کننگ اٹ کمک ملنگ کے آخبت اٹی جان جوڑی نا بشخ اٹی پی پی ایچ آئی تون اواری اٹ کاریم کینہ تانکہ خلقت ءِ پین گچین جان جوڑی نا آسراتی ملنگ کے پی پی ایچ آئی نا چیف ایگزیکٹو آفیسر نا کمکار ی ءِ چیف آپریٹنگ آفیسر و پبلک ہیلتھ اسپیشلسٹ کرے۔
