اسلام آباد۔ 21 نومبر (اے پی پی) صدر مملکت ڈاکٹر عارف علوی پارینے کہ ریاستی معاملہ غاتے ریاست مدینہ نا طرز آ شاغنگ کن المی ءِ کہ نن غٹ دینی، قومی و اجتماعی فائدہ غاتے اولیت ایتن، تینا سوچ و رویہ غاتے ٹی جوان ءُ بدلی اتین و تعلیم نبوی ﷺ آ اونا وڑاٹ عمل کین تانکہ وطن عزیز اٹی اسہ فلاحی ءُ راج اسے نا جوڑ کننگ ممکن مننگ کے انتئے کہ اینو ہم انسانیت نا شرحالی نا دارومدار سرکار دوعالم ﷺ نا تعلیم و اسوہ حسنہ غا عمل کننگ اٹی ءِ۔ داہیت ءِ او عید میلاد النبی ﷺ نا پرمسرت وخت آ قوم انا پن تینا کلہو اٹی پارینے ہرا اینو مچ آ دنیا ٹی اڈتننگ انگ ءِ، صدر مملکت سرور کائنات ، ہادی برحق خواجہ محمد ﷺ نا بننگ نا دا دے آ ملت اسلامیہ ءِ بالعموم و اہل وطن ءِ خاص کر مبارکبادی ترسانبی پاک ﷺ نا ولادت نا دا برکت انگا تُو انا غٹ اکن باعث رحمت و بخشش جوڑ مننگ نا دعا کرے و پارے کہ اللہ تعالیٰ آنحضرت محمد ﷺ ءِ مچ آ انسانیت کن آخیری کامل راہشون و معلم جوڑ کرسا گدریفے۔ سرکار دوعالم نا بننگ و اونا تعلیم آتیان انسانی زند انا ہر گوشہ ٹی اسہ عظیم اس انقلاب اس برپا مس۔ جناب رحمت اللعالمین ﷺ نا بننگ نا سوب الہیات و عقائد، عبادت و معاملات، انفرادی ، اُرائی و اجتماعی زند، اخلاق، معاشی و سیاسیات تون اوار زند انا ہر بشخ اٹی سرسہب و خوشگوار بدلی اس رو نما مس۔
