اسلام آباد۔19نومبر(اے پی پی ) انسانی حکانی بنجاہی وزیر ڈاکٹر شیریں مزاری ءَ گوں دوشمبے ءِ روچءَ ڈاکٹر نیما سعید عابدءِ سروکی ءَ ورلڈ ہیلتھ آرگنائزیشن (ڈبلیو ایچ او) ءِ ڈل ءَ گندءُ نندکتگ۔ ڈاکٹر مریم ملک ، ٹیکنیکل ایڈوائزر ، ڈبلیو ایچ او ءَ ابید انسانی حکانی سیکرٹری رابعہ جویری آغا ءَ ہوار وزارتءِ دگہ مزنیں حکام ہم اے موہءَ ساڑی بوتگ اَنت۔ گندءُ نند ءَ انسانی حکانی پلگارگ ءَ ہوار معذور مردمانی حکءُ اے ہوالگءَ کانودءِ سرءَ حیالءُ لیکہءِ درشانی کنگ بوتگ۔ اے موہءَ حیالءُ لیکہ ءِ درشانی کتگءُ بنجاہی وزیر ڈاکٹر شیریں مزاری ءَ گشتگ کہ ما وتی شہرآناں آہانی حکانی پھجارینگءِ جزم کتگ۔ آئیءَ گشتگ کہ ما اے ہوالگءَ بازیں نوکیں بل آنی سرءَ کار کنگءَ اَنت کہ آئیءِ تہءَ معذوریں مردمانی حکانی بل ہم ہوار اَنت۔ آئیءَ گشتگ کہ انسانی حکانی پلگارگ انوگیں حکومتءِ اولی دلگوشی اِنت۔ ڈلءَ انسانی حکانی پلگارگ ءَ حکومت پاکستانءُ ہاس انسانی حکانی وزارتءِ کوشست ساڑاتگ اَنت۔
