اسلام آباد۔19نومبر(اے پی پی) مزن وزیر عمران خان ءَ گوں شہید ایس پی طاہر داوڑ ءِ حاندانءَ دوشمبے ءِ روچءَ گندءُ نند کتگ۔ اے موہءَ تئی کارانی ملکی وزیر شہریار خان آفریدی، مزن وزیر ءِ ہاسیں کمک کار افتخار درانی ءُ خیبر پختونخوا ءِ آئی جی پولیس ہم ساڑی بوتگ۔ اے مو ہءَ مزن وزیر ءَ شہید ایس پی طاہر داوڑ ءِ ایصال ثواب ءُ آئیءِ درجگانی مزنی ءِ دعاکتگ۔ مزن وزیرءَ آئیءِ حاندانءَ گوں گمءُ رنج ءِ درشانی کتگءُ گشتگ کہ ایس پی طاہر داوڑ ایک ناترسءُ ایمان داریں افسرے بوتگ، آئی ایمانداری ءُ بہادری پہ پولیس ڈیپارٹمنٹ ءَ پھر اِت۔ آئیءَ گشتگ کہ ایس پی طاہر داوڑ ءِ شہادت ءَ چہ پولیس ڈیپارٹمنٹ یک زمہ داریں ءُ ایمانداریں افسرے ءَ چہ زھباربوتگ۔ مزن وزیرءَ گمیگیں حاندانءَ را کمک سرکنگءِ اوست داتگ۔
