اسلام آباد ۔ 19 نومبر (اے پی پی) اسلام آباد ہائی کورٹ ءَ مزن وزیر ءِ ھاسیں کمکار ذوالفقار بخاری ءِ نام ای سی ایل ءَ چہ در کنگ ءِ دزبندی 27نومبر ءَ تاں مھتل کتگ۔ دو شمبے ءَ جسٹس عامر فاروق ءُُ جسٹس محسن اختر کیانی ءَ ھواریں دو کسی بینچ ءَ گوشداری کت۔ دزبندی زلفی بخاری ءِ نیمگ ءَ چہ سکندر بشیر ایڈووکیٹ پیش بوت۔ زلفی بخاری ءِ نام 4 اگست ءَ ای سی ایل ءَ مان کنگ بوتگ۔ گوشداری ءِ ساھت ءَ نیب ءُُ ایف آئی اے ءَ ہائیکورٹ ءَ پسو جم کنائینت۔ ڈپٹی اٹارنی جنرل ءَ آمید گس ءَ را ھال دات کہ وزارت ءِ توکی کار ءِ نیمگ ءَ پسو جم کنائینگ ءِ کوشست کت بلے مالوداری بوت کہ کیس چیمبر ءَ انت۔ جسٹس عامرفاروق ءَ گوشت کہ کیس چیمبر ءَ نہ اِنت، آمید گس ءَ انت۔ ڈپٹی اٹارنی جنرل راجا خالد محمود ءَ گوشت کہ باندات وزارت توکی کار ءِ نیمگ ءَ پسو آمید گس ءَ جم کنائینگ بیت۔ آمید گس ءَ کیس ءِ گوشداری 27نومبر ءَ تاں مھتل کت۔
