اسلام آباد ۔ 19 نومبر (اے پی پی) یکجائی نپ ءُُ سیت ءِ کونسل ءَ آباتی ءِ تہ ءَ ترندی گئشی بوھگ ءِ جیڈھ ءَ را جوانیں رنگ ءَ گر ءُُ دار کنگ ءِ ھاترا راجی تک ءَ مزن وزیر وھدیکہ صوبائی تک ءَ سیادی داروکیں سر وزیر آنی سروکی ءَ قومی ءُُ صوبائی ٹاسک فورس ءِ جوڑ کنگ ءِ پیسلہ کتگ وھدیکہ لائک ءِ ودوکیں ھاٹیگ ءِ کارمردی ءُُ ملک ءَ کاروباری تک ءَ آسانی پیداک کنگ ءِ کار ءِ تہ ءَ گیش گہتری آنی ءِ سر ءَ سرجمیں تپاکی کنگ بوت۔ یکجائی نپ ءُُ سیت ءِ کونسل ءَ دو شمبے ءَ مزن وزیر عمران خان ءِ سروکی ءَ مزن وزیر کارگس ءَ برجم دارگ بوت۔ دیوان ءَ وزیر برائے صوبگ آنی نیام ءَ یکوئی آرگ ءِ وزیر ڈاکٹر فہمیدہ مرزا، وزیرھزانگ اسد عمر، وزیر کانود ءُُ انساپ محمد فروغ نسیم، وزیر نجکاری محمد میاں سومرو، سر وزیر پنجاب سردار عثمان بزدار، سر وزیر سندھ مراد علی، سروزیر خیبرپختونخوا محمود خان، سر وزیر بلوچستان جام کمال، مزن وزیر ءِ مشیر برائے تجارت ءُُ صنعت عبدالرزاق داؤد، بُنجاھی ءُُ صوبائی سیکرٹریز ءُُ کلانہ ایں کارندہ ھوار اتنت۔ دیوان ءَ ملک ءِ آباتی ءَ ترندی ءَ گیشی ءِ جیڈھ ءِ سرءَ چار ءُُ بچار کنگ بوت ایش اے وھد ءَ 2.4 درسد ھمک سال ءِ گوما 20 کروڑ 78 لکھ اِنت۔ اے رند ءَ راجی تک ءَ مزن وزیر وھدیکہ صوبائی تک ءَ سیادی داروکیں سروزیر آنی سروکی ءَ ءُُ صوبائی ٹاسک فورسز جوڑ کنگ ءِ پیسلہ کنگ بوت۔ ٹاسک فورسز آنی جوڑیشت ءِ کار 48کلاک آنی تہ ءَ سرجم کنگ بیت۔ راجی ءُُ صوبائی تک ءَ جوڑ بوھوکیں ٹاسک فورس ایشی ءَ چہ پیسر سپریم کورٹ آف پاکستان ءِ حکم ءِ پد ءَ جوڑ بوھوکیں ٹاسک فورس ءِ سپارش آنی سر ءَ چار ءُُ بچار کنت اِنت ءُُ یکجائی نپ ءُُ سیت کونسل ءَ را پکوئیں رنگ دیگ ءِ ھاترا آیوکیں مالیاتی تک ءُُ ٹوھیں پاپولیشن کنٹرول پروگرام ءِ کامیاتی ءِ ھاترا چاگرد ءِ توامیں تبک ءِ کمک ءِ زورگ ءِ ھوالگ ءَ ایندگہ کار آناں چار ءُُ بچار کنگ بیت۔ دیودان ءَ دو آر ایل این جی پلانٹس نیشنل پاور پارکس مینجمنٹ کمپنی لمیٹڈ ملکیت 1223 میگاواٹ ءِ بل آنی ءُُ 1230 میگاواٹ ءِ حویلی بہادر شاہ ءَ را زوت کاروائی ءِ واستہ نجکاری پروگرام ءِ تہءَ ھوار کنگ ءِ شور ءُُ مشور ءِ منظوری دیگ بوت۔ یکجائی نپ ءُُ سیت کونسل ءَ استیں انرجی مکس ءِ سر ءَ گیشاں گیش دلگوش کنگ ءِ سسر ءَ زور پر دات۔ بھر زوروک ایں مردم آناں دلگوش کنگ ءُُ ملکی برآمد ءِ ازم ءَ چہ سیت زوران ءَ صنعت ءِ پڑ ءَ دیمروئی ءِ واستہ ملک ءَ کاروبار ءَ آسانی پیداک کنگ ءِ کار ءَ را گیش گہتر کنگ ءِ پراھ ءُُ شاھیگانیں دلگوشی ءِ سر ءَ تپاک کنگ بوت۔
