قومی احتساب بیورو نا چیئرمین نا کماشی ٹی دیوان ، نیب انا آپریشن ڈویژن و ایلو سینئر آفیسر آتا بشخ ہلنگ، علاقائی بیوروتا ڈی جی تا ویڈیو لنک انا کمک اٹ دیوان اٹی بشخ ہلنگ
اسلام آباد۔ 19نومبر (اے پی پی) قومی احتساب بیورو نا چیئرمین جسٹس (ر) جاوید اقبال نا کماشی ٹی دیوان نیب ہیڈ کوارٹر اٹی اڈ ہلک ہراٹی نیب انا آپریشن ڈویژن و ایلو سینئر آفیسر آک بشخ ہلکر ، نیب انا غٹ علاقائی بیورو تا ڈائریکٹر جنرل آک ویڈیو لنک انا کمک اٹ دیوان اٹی بشخ ہلکر۔ دیوان اٹی وڈی خوری نا 179 بھلا مقدمہ غاتیا داوخت اسکان نا پیش رفت نا جاچ ءِ ہلنگا۔ دیوان ءِ پاننگاکہ چیئرمین نیب انا پارت آ 179 میگا کرپشن نا مقدمہ غاتیان 105 مقدمہ غاتے ایسری انجام اسکان سرکرسا کانود نا رداٹ وڈی خوری نا ریفرنس احتساب عدالت آتے ٹی جمع کرفنگانے ، ہراکہ زیر سماعت ءُ۔ 15 مقدمہ انکوائری و 19 مقدمہ انویسٹی گیشن نا مرحلہ غاتے ٹی ءُ ہرافتیا کانود نا رداٹ کارروائی برجاءِ۔ 40 مقدمہ غاتے کانود نا رداٹ پورو کننگانے۔ چیئرمین نیب پارے کہ کرپشن نا بھلا مقدمہ غاتے ایسری انجام اسکان سرکننگ نیب انا اولیت ءِ۔ داہیت بے جانہ مریک کہ نیب انا ہر کیس میگاکرپشن نا زمرہ ٹی بریک وخت اس کہ ہمو کیس آک ہرافتے ٹی کرپشن نا پیسہ غاک کم مریرہ او فتے نیب تعلقدار صوبائی اینٹی کرپشن اسٹیبلشمنٹ ءِ گدریفک ۔ اوپارے کہ نیب گدرینگوک آ اسہ سال اٹی 503 بندغ ءِ دزگیر کننگ آن بیدس 440 بندغ نا برخلاف وڈی خوری نا ریفرنس آتے عدالت آتے دائر کرے ہراکہ مہالو اسہ سال اسے ٹی نیب داخہ وڈی خوری نا ریفرنس آتے ایسری انجام اسکان سرکتنے و تعلقدار احتساب عدالت آتے ٹی اسہ سال انا تہٹی داخہ وڈی خوری نا ریفرنس دائر کننگتنے۔
