اسلام آباد۔ 19 نومبر (اے پی پی) صدر آزاد جموں و کشمیر سردار مسعود خان دوشنبے نادے پاکستان ایئر ہیڈ کوارٹرز نا دورہ ءِ کرے ہراڑے اودے بخیر چیف آف ایئر اسٹاف ایئر چیف مارشل مجاہد انور خان کرے۔ صدر آزاد کشمیر نا پی اے ایف ہیڈ کوارٹرزآ بننگ آ پاکستان ایئر فورس انا چاق و چوبند دستہ اودے سلامی پیش کرے۔ داوخت آ پاکستان نا قومی ترانہ ءِ خلنگا۔ صدر گارڈ آف آنر نا جاچ ءِ ہلک و یات گار شہید آتیا پھل آتا چادراس شاغا۔ اوکان پد چیف آف ایئر اسٹاف صدر آزاد کشمیر نا پی اے ایف نا سینئر آفیسر آتون درستی راستی ءِ کرفے۔ اوڑدہی ٹی صدر ایئر چیف ءِ جموں و کشمیر نا ویل آتا سفارتی و سیاسی ایسری کن آزاد کشمیر حکومت نا اولیت و کوشست آتیان معلومدار کرے۔ صدر آزاد کشمیر اودے پارے کہ گڈ گورننس ءِ المی جوڑ کننگ و ترند تر معاشی شونداری کن گام گیج چست کننگ آزاد کشمیر حکومت نا اولیت آتے ٹی اوار ءِ۔ صدر کسبی معاملہ غاتے ٹی ایئر فورس انا بے مٹ کارکڑد و تکنیکی پلیٹ فارم آتیا بھلو خذمت اس سرانجام تننگ آایئر چیف ءِ دلی مبارکباد پیش کرے۔ صدر پارے کہ آزاد کشمیر نا خلقت بحیثیت آفیسر ، ایئرمین و سویلین اسٹاف پاکستان ایئر فورس اٹی اوار مریرہ و بھاز فخر اٹ قوم انا خذمت ءِ کیرہ۔ داوخت آ ایئر چیف مارشل مجاہد انور خان قوم انا داعزم انا اعادہ ءِ کرے کہ کشمیری تا حق خودارادیت نا دوئی کن جہانی کہول آ جہد ءِ برجاتخنگک۔ ایئر چیف آزاد کشمیر نا اقتصادی و راجی شونداری نا مخ تفی ءِ کرسا پارے کہ بروک آ سال آتے ٹی پاکستان فضائیہ آزاد کشمیر اٹی تینا دنگ ءِ پین سوگوی ترسا خلقت نا شرحالی ٹی زیات آن زیات تینا کوشست آتے برجاتخک۔
