اسلام آباد۔ 19 نومبر (اے پی پی) وزیراعظم نا خصوصی کمکار اوورسیز پاکستانی ذوالفقار عباس بخاری پارینے کہ مستین اٹی ای او بی آئی کرپشن تون مون تس۔ نن زوت ہمو کڑد آتے پاش کرسا سزا ترفینہ، ننے داسہ ادارہ غاتے کٹیا کروک جوڑ کننگ نا گرج ءِ داڑکن نن شفافیت اتینہ۔ داہیت ءِ وزیراعظم نا خصوصی کمکار اوورسیز پاکستانی ذوالفقار عباس بخاری لاہور اٹی پاکستان ورکرز فیڈریشن نا دود آن تران کرسا پارے ۔ اوپارے کہ وزیراعظم فلاحی ریاست نا وعدہ کرینے ولے اوڑکن زرس وخت لگک۔ وزارت اوورسیز پاکستانی پیشن نا ملک رہینگوک پاکستانی تا ویل آتا ایسری و اوفتے پاکستان اٹی گچین وارخواہی تا فراوانی کن ہردے 18,18 گھنٹہ کاریم کننگ ءِ۔ اوپارے کہ او کرپٹ عنصر آتے پاش کننگ کن وائٹ پیپر تیار کننگ ءِ۔ دود انا وخت آ خصوصی کمکار ورکرز آتا ویل آتے اِرا ہفتہ نا تہٹی ایسر کننگ نا یخین دہانی کرفے۔
