اسلام آباد۔19نومبر (اے پی پی) بنجائی وزیر تعلیم و کسبی تربیت شفقت محمودوزار ت نا ماتحت ادارہ غاتا ملازم آتا توروک آ تنخواہ تے تننگ کن سیکرٹری تعلیم آن حکمت عملی اس بٹنگا۔ دوشنبے نادے جاری بیان اٹی پاننگانے کہ وزیر تعلیم سیکرٹری تعلیم ءِ پارت کرینے کہ او تنخواہ تا تننگ کن دمدستی وڑوڈول و حکمت عملی اس جوڑ کرسا ایتے۔ اوسیکرٹری تعلیم تون استفسار کرے کہ دا ملازم آتا تنخواہ تے نن امہ تننگ کینہ و اخس وخت اٹی دا ملازم آتا تنخواہ تے تننگ مریک۔ بنجائی وزیر تعلیم شفقت محمود پارے کہ خوانہ کہ زوت آن زوت ملازم آتے تنخواہ تا تننگءِ ممکن جوڑ کننگ مرے۔ یات سلے کہ وزارت تعلیم و کسبی تربیت نا ماتحت ادارہ ، بنجائی نظامت تعلیمات ، قومی کمیشن انسانی شونداری و بیسک ایجوکیشن کمیونٹی اسکول آتا ملازم آتے گدرینگوک آ 6تُو آن تنخواہ تے تننگ تنے۔
