اسلام آباد۔ 19نومبر (اے پی پی) بنجائی وزیر ریلوے شیخ رشید احمد پارینے کہ چین نا نیشنل ریلوے ایڈمنسٹریشن و پاکستان ریلوے نا نیام اٹ فریم ورک معاہدہ ٹی ہچ ءُ بدلی اس کننگپک۔ داخیال آتا درشانی ءِ او دوشنبے نادے آ چین نا نیشنل ریلوے ایڈمنسٹریشن (این آر اے) نا ڈل اتون اوڑدہی ٹی کرے۔ این آر اے نا ڈل انا کماشی ءِ ڈپٹی ایڈمنسٹریشن این لو شینگ کریکہ۔ داوخت آ ڈل پارے کہ ساڑی آ حکومت سی پیک نا اہمیت آن معلومدار ءِ، او دا چاہک کہ سی پیک اٹی ریلوے تمبہ نا حیثیت تخک۔ ہڑتوم آ ڈل آتے ٹی دا پک مس کہ اِرادے اٹی چاہندار تا ٹیمک مفصل ہیت وگپ کرسا ویل آتاایسری اس تیار کیرہ و پورو رپورٹ 25 دسمبر 2018 ء آ تیار مریک۔ این آر اے نا ڈل واضح کرے کہ ایم ایل 1 پاکستان نا اسہ اہم ءُ انفراسٹرکچر اسے۔ وزیر ریلوے واضح کرے کہ ایم ایل ون نا اپ گریڈیشن ءِ ترندرفتاری اٹ پورو کروئی مرے داکان بیدس حکومت ایم ایل 1 و 2 اٹی خاص است خواہی تخک۔ اوپارے کہ چین پاکستان نا سنگت و اہم ہمسایہ ملک ءِ۔ این آر اے و پاکستان ریلوے تین پہ تینی کمکاری کن تیار ءُ۔
