کوئٹہ۔ 19 نومبر (اے پی پی) بنجائی وزیر دفاعی پیداوار زبیدہ جلال تبلیغی جماعت نا امیر حاجی عبدالوہاب نا کزیت آ ڈکھ و است ہسونی نا درشانیءِ کرسا پارے کہ پاکستان اینو اسہ عظیم ءُ مدبر، شفیق راہشون بزرگ شخصیت و عالم اسے آن محروم مسنے۔ دوشنبے نادے تینا ہڑزخواہی بیان اٹی بنجائی وزیر دفاعی پیداوار زبیدہ جلال پارے کہ حاجی عبدالوہاب نا دینی خذمت آتے مدام یات کننگک ، ایماندار مچ آ زند بے کچ مشقت و پدریسہ جہد اتون دعوتی و تبلیغی کاریم ءِ حکمت و بصیرت اٹ مون آ درے و اونا انسانیت آ مبنی مشن بے شمار بندغ آتا زند اٹی بدلی نا سوب جوڑ مس۔ زبیدہ جلال حاجی عبدالوہاب ایماندار نا خاہوت تون ہمدردی نا درشان و ہڑزخواہی کرسا دعا کرے کہ اللہ تعالیٰ ایماندار ءِ جنت الفردوس اٹی بڑزکو جاگہ اس نصیب عطافرمائفے۔
