اسلام آباد ۔ 18 نومبر (اے پی پی) مزن وزیر عمران خان ءِ ابوظہبی ءِ صدارتی محل ءِ تہ آھگ ءِ ساعت ءَ پُرشانیں وش اتک کتگ۔مزن وزیر ایشی ءَ چہ پیسر ءَ یک روچیں تروتاب ءَ پہ ابوظہبی ءَ سر بوتگ ات تو متحدہ عرب امارات ءِ ولی عہد ءُُ مسلح افواج ءِ ڈپٹی سپریم کمانڈر شیخ محمد بن زائد بن سلطان النیہان ءَ آہاں را وش اتک کتگ۔مزن وزیر ءِ شرپ ءَ تچکی وش اتکی مراگش برجمینگ بوتگ اُودا آہاں را گارڈ آف آنر دیئگ بوتگ۔اے ساعت ءَ دوئیں ملکانی راجی ساز گوشگ بوتگ ات۔پدا دوئیں سروکاں وتی وتیگ ڈلانی پجار کنائین انت۔ایشی ءِ پدا دو دیمی دمگی ،میاں اوستمانی ءُُ اندوہناکی کارانی سرا گپ ءُُ تران کنگءَ پہ روان بوتگ ات۔ مزن وزیر ءِ ہمراہ دری کارانی وزیر شاہ محمود قریشی، ھزانگ وزیر اسد عمر،ھاٹیگ ءِ وزیر عمر ایوب خان ،پیٹرولیم ءِ وزیر غلام سرور خان ،چیف آف آرمی سٹاف جنرل قمر جاوید باجوہ ءُُ مزن وزیر ءِ بیئپار ءِ صلاحکار عبدالرزاق داود ھم انت۔
