اسلام آباد۔ 18 نومبر(اے پی پی)دری کارانی بنجاہی وزیرشاہ محمود قریشی ءَ ناروے ےءِ کمپنی ءَ را پاکستان ءِ تہ ھاٹیگ ءِ بدل ،آپ ، ویسٹ مینجمنٹ، فشریز ءُُ پورٹس اینڈ شپنگءِ تک ءَ زرکاری ءِ دعوت داتگ انت۔دری کارگس ءِ نیمگاچہ جاڑی بیان ءِ ردا آہاں ناروے ءِ کمپنی ءَ را اے دعوت وتی نارویجن ہم کار ایرکسن سوریڈ ءِ گوما ابوظہبی ءِ تہ سربنییاس فورم ءِ موہ ءَ گند ءُُ نند ءِ ساعت ءَ داتگ۔دری کارانی وزیر ءَ نارویجن کمپنیانی سرا زور مان کتگ کہ آں ٹیلی نار ءِ سوبمند ءِ بزنس ماڈل ءِ تقلید ءَ کن انت۔دودیمی سیادی ءِ تہ شریں دیمروئی ءِ پجار کنان ءَ دوئیں دری کارانی وزیراں وت مہ وتی اندوہناکی ءِ دراھیں تک ھوار سیادی ،اقتصادی،بیئپار،زرکاری، تعلیم، ربیدگ ءُُ پارلیمانی رھوت ءِ پراھی ءَ گیش مھکم کنگ ءِ سرا تپاک کتگ۔ ناورے ءِ دری کارانی وزیر ءَ پاکستانی ہمکار ءَ را ناروے ءِ تروتاب ءِ دعوت ھم داتگ۔
