اسلام آباد ۔18 نومبر(اے پی پی)بنجاہی وزیر ھالرسانی ءُُ شنگکاری فواد حسین چوہدری ءَ تبلیغی گلے امیر مولانا عبدالوہاب ءِ بیرانی ءَ جُہلانکیں ڈکھ ءُُ اپسوز ءِ درشان کتگ۔یک شمبے ءَ وتی دلپدردی کلوھ ءَ بنجاہی وزیر ءَ گوشت کہ مولانا عبدالوہاب سرجمیں دگنیا ءَ اسلام ءِ ترویج ءُُ پیامبر اسلام ءِ تعلیم ءَ را تالان کنگ ءَ نامداریں جاھ ءَ ایر کنگ ات۔ مولانا عبدالوہاب ءِ پجار ہمہ اسکالراں ءُُ عالم آنی بوھگ انت کہ آہاں سرجمیں زند اسلامی تعلیم ءُُ ترویج ءِ ھاترا وقف کتگ۔وائے ونڈ ءِ تبلیغی مچی ءِ تہ ہمک سال لکھاں مردم آہانی پرامن مزہب اسلام ءَ را گوشدارگ پہ آھگ انت۔اے مچی حج ءَ چہ پدا دومی مزنیں مچی انت۔آہاں ھدامرزی ءِ ثواب ءُُ گمیگیں ھاندان ءِ ھاترا صبر جمیل ءِ دعا کتگ۔

متعلقہ مضامینمصنف کی طرف سے مزید