اسلام آباد۔16نومبر(اے پی پی) مذہبی کارانی بنجاہی وزیر ڈاکٹر نورالحق قادری ءَ گشتگ کہ میاں اوستمانی تکءَ حضورؐ پاک ءِ امنءُ ایمنی ءِ کلوہ ءَ را سرجمیں دنیاءَ سرکنگ ءَ پاکستانءِ نوکیں حکومت مذہبی سفارتکاری ءَ ہوار دگہ رھبندانی سرءَ ہم کار کنت۔ جمعہ ءِ روچءَ مذہبی کارانی وزارت ءَ پریس کانفرنس ءَ گوں تران کتگءُ آئی ءَ گشتگ کہ ہمک سال مذہبی کارانی وزارت قومی سیرت کانفرنس کنت کہ 12ربیع الاول ءِ روچءَ بیت، اے رندءَ نوکیں پاکستانءِ نوکیں حکومت میاں اوستمانی تکءَ سیرت کانفرنس کنت کہ عالم اسلام ءِ سکالرز ءُ عالم آنی ڈل ہوار بنت۔ کانفرنس 11ءُ 12ربیع الاول ءِ ردءَ 20ءُ 21نومبرءَ بیت۔ سرکاردو عالم ءِ ودی بوہگءِ روچ میاں اوستمانی تک ءَ گوازینگ بیت۔ اولی روچ ءَ سیرت کانفرنس ءِ بنداتی روچءَ مزن وزیر عمران خان ہاسیں مہمان بیت۔ 20نومبرءَ دومی بھرءَ مقالات پیش بنت ءُ گوشتانک ءَ سیرت طیبہ ءِ سرءَ لیکہءِ درشانی کنگ بیت۔ 21نومبرءَ سیرت کانفرنس ءِ گڑی بھرءَ صدر ڈاکٹر عارف علوی ہاسیں مہمان بیت۔ ہمے روچءَ راجی ءُ دمگی زباناں سیرت ءِ سرءَ نبشتہ کتگیں کتاب، نعت ءُ سیرت مقالامقابلہ ءَ ، اولی ، دومی ءُ سئمی نمبر آؤکاں سوگات دیئگ بیت۔
